Header Ads


Hii ndio sababu ya Chelsea kumuacha Eddie Nketiah kabla Wenger hajamnasa

Eddie Nketiah amekuwa gumzo sana wiki hii baada ya kuibeba Arsenal katika mchezo wa Carbao Cup na kuipeleka Arsenal katika robo fainali ya michuano hiyo.

Eddie Nketiah alinaswa na rada za Arsenal mwaka 2015 ambapo alikuwa hana timu baada ya kuachwa na Chelsea na kurudi kucheza mtaani kwao.

Lakini nini haswa kilipelekea Chelsea kumuacha Nketiah? Taarifa zinasema klabu ya Chelsea iliamua kuachana na Eddie kutokana na umbile lake ambalo lilionekana dogo.
Taarifa zinasema academy ya Chelsea moja kati ya vigezo vyao vikubwa ukiacha kiwango cha mchezaji ilikuwa ni kimo na kwa kipindi hicho Nketiah hakuwa na umbo zuri kuitumikia Chelsea.

Baadaye ndipo mzee Arsene Wenger alilifumbia macho umbo la Nketiah na akamuweka kwenye academy ya Arsenal kutokana na uwezo aliokuwa nao katika kupasia nyavu.
Arsene Wenger ameshangazwa pia na kitendo cha Chelsea kumuacha Nketiah akisema kwamba kwa ubora alionao dogo huyo haoni sababu ya Chelsea kumruhusu aondoke.

No comments

Powered by Blogger.